وروستي خبرونه:

د امریکا د بهرنیو چارو وزیر انتوني بلنکن وايې: سعودي جګړه نه غواړي انصارالله دې هم ورته اقدام وکړي

بلنکن ویلي چې سعودي عربستان د یمن جګړې د پای ته رسېدو غوښتونکی دی او په وینا یې انصارالله دې هم ورته اقدام وکړي. بلنکن زیاته کړې، د یمن مستعفي حکومت او سعودي عربستان په یمن کې د جګړې د پای ته رسېدو غوښتنه کړې ده، غواړي دغې کشالې ته حل لاره ومومي نو انصارالله ډلې ته هم په کار ده چې نور په دغه هېواد کې جګړه پای ته ورسوي. نوموړي دغه راز له حوثيانو هم ورته غوښتنه کړې او زیاته کړې یې ده چې حوثيان هم باید مرزي بریدونه ودروي او د سولې خبرې له سره پیل کړي. نوموړی دا څرګندونې وروسته تر هغه کوي چې د ملګري ملتونو عمومي منشي په خپلو وروستیو څرګندونو کې په یمن کې بشري وضعیت اندېښمنونکی بللی او په دغه هېواد کې یې د جګړې پر درېدو ټينګار کړی دی

په عمان خلیج کې پر یوې اسرائیلي کښتۍ برید د اېران کار بلل شوی دی.

د اسرائیلو صدراعظم بنیامین نتانیاهو پر اېران تورې پورې کړی، چې تېره اونۍ یې په عمان خلیج کې پر یوې اسرائیلي باروړونکې کښتۍ برید کړی دی او دا هغه ادعا ده چې تهران رد کړې ده. نتانیاهو د اسرائېلو له دولتي رسنیو سره په مرکه کې چې نن خپره شوې ویلي، چې دا برید د اېران کار وو. ده اېران د اسرائیل لوی دښمن بللی او زیاته کړه یې ده، چې مخه به یې ونیسي. د اسرائیلو صدراعظم ددې پوښتنې په ځواب کې چې ایا اسرائیل به د نوموړي برید پر وړاندې کوم غبرګون وښيي وویل، دوی په هر ځای کې دې اېران په هدفونو ګوزارونه کوي. په همدې حال کې د اېران د بهرنیو چارو وزارت ویاند سعید خطیب زاده هغه ادعا په کلکه رد کړه، چې هېواد یې د بار وړونکې کښتۍ په برید کې لاس لري. د خطیب زاده په خبره، بنیامین نتانیاهو د هغه په ټکو له اېران سره سودايي شوی دی.

د یادونې وړ ده، چې د اسرائېلو یاده کښتۍ چې موټر یې لېږدول د سعودي عربستان د دمام له بندره سنګاپور ته په لاره وه چې د فبرورۍ په ۲۵ له یوې چاودنې سره مخ شوه او په دغه چاودنه کې چاته زیان ندی اوښتی خو اسرائیلي مالک یې ویلي، چې دغه چاودنې د کښتۍ یو پلو د یو نیم متر په اندازه دوه ځایه سورۍ کړې ده.

پاکستان کې موسمي بارانونو او سیلابونو له امله لسګونه کسان وژل شوي

په پاکستان کې د موسمي بارانونو او سیلابونو له امله په لسګونو کسانو خپل ژوند له لاسه ورکړی دی

د پاکستان په یو شمېر سیمو کې پرون پنځمه وه چې پرله پسې بارانونه ورېدل.

اووه څلویښت تنه د کراچي په ښار کې او لږ تر لږه شپاړس تنه په خیبر پښتونخوا کې د دې ورښتونو قربانیان دي.

په پاکستان کې موسمي بارانونه او سیلابونه راوتلي چې له امله یې لسګونه کسان وژل شړي.

د بارانونو او سیلابونو له امله په کراچۍ ښار کې ۴۷ څلویښت تنه او په خیبر پښتونخوا کې لږ تر لږه ۱۶ کسان وژل شوي.

ټرمپ پر جولان د اسراییل حاکمیت په رسمیت وپېژاند

د امریکا ولسمشر ډونلډ ټرمپ د یوې اعلامیې په لاسلیکولو سره پر جولان لوړو د اسراییل حاکمیت په رسمیت وپېژاند.

ویدیوگانی

Video 1

Video 1

Video 1